उन्हाळी धान-मका खरेदी केंद्र सुरू करा – अरुण मुक्कावार यांची जिल्हाधिकाऱ्यांकडे मागणी
गडचिरोली : अहेरी विधानसभा क्षेत्रातील अहेरी, मुलचेरा व सिरोंचा तालुक्यात उन्हाळी हंगामात मोठ्या प्रमाणात धान व मका उत्पादन घेतले जाते. मात्र शासनाकडून अद्याप खरेदी केंद्र सुरू करण्यात आले नसल्याने शेतकरी आर्थिक संकटात सापडले आहेत. शेतमालाला योग्य भाव मिळत नसल्याने शेतकऱ्यांमध्ये नाराजीचे वातावरण निर्माण झाले आहे.
या पार्श्वभूमीवर आमदार डॉ. धर्मराव बाबा आत्राम यांचे कट्टर समर्थक तसेच राष्ट्रवादी काँग्रेस (अ. प.) गटाचे ज्येष्ठ कार्यकर्ते अरुण भाऊ मुक्कावार यांनी गडचिरोलीचे निवासी उपजिल्हाधिकारी श्री. आशिष वानखेडे यांना निवेदन सादर केले. सदर निवेदनात विधानसभा क्षेत्रातील सर्व ठिकाणी धान व मका खरेदी केंद्र तात्काळ सुरू करून शेतमालाला योग्य दर देण्याची मागणी करण्यात आली.
यावेळी निवासी उपजिल्हाधिकारी श्री. वानखेडे यांनी निवेदनावर योग्य ती कार्यवाही करण्याचे आश्वासन दिले.
हेडलाइन्स :
उन्हाळी धान-मका खरेदी केंद्र सुरू करण्याची मागणी
शेतकरी संकटात; अरुण मुक्कावार आक्रमक
अहेरी, मुलचेरा, सिरोंचा तालुक्यात खरेदी केंद्र सुरू करा
शेतमालाला योग्य भाव द्या – प्रशासनाकडे निवेदन
About the Author
