पिपली येथे वनहक्क दाव्यांच्या आढावा बैठकीत अतिक्रमणधारकांची यादी तयार करण्याचा निर्णय
एटापल्ली : तालुक्यातील मौजा पिपली येथे बुधवार, दि. १६ सप्टेंबर २०२६ रोजी वनहक्क दाव्यांच्या संदर्भात आढावा बैठक घेण्यात आली. बैठकीत परिसरातील विविध गावांमधील वनहक्क दाव्यांची सद्यस्थिती, प्रलंबित बाबी तसेच संबंधित अतिक्रमणधारकांची माहिती संकलित करण्याबाबत चर्चा करण्यात आली.
बैठकीत पिपली, पिपली टोला, बुर्गी (म), वेलमगड, जिजावंडी, जिजावंडी टोला, कुंडुम आणि नेनवाडी या गावांतील संबंधित अतिक्रमणधारकांची यादी तयार करून ती पुढील कार्यवाहीसाठी उपविभागीय अधिकारी कार्यालय, एटापल्ली येथे सादर करण्याचा निर्णय घेण्यात आला.
या बैठकीस पिपलीचे पोलीस पाटील सैनू लेकामी, माजी सरपंच नामदेव लेकामी, बुर्गीचे पोलीस पाटील दिलीप नरोटे, माजी सरपंच आशिष पूगाटी, जिजावंडीचे पोलीस पाटील चैतू गोटा, सतू जूरे, साधू तुमरेटी, वेलमगडचे पोलीस पाटील तोदे कातवो, कुंडुमचे पोलीस पाटील संजू कोरचा, अहेरी विधानसभा प्रमुख लक्ष्मण जी. येरावार, वासुदेव कोडापे सर तसेच राष्ट्रवादी काँग्रेस पार्टीचे सामाजिक कार्यकर्ते लक्ष्मण भाऊ नरोटे यांच्यासह संबंधित गावांतील नागरिक उपस्थित होते.
वनहक्क दाव्यांशी संबंधित माहिती गावनिहाय संकलित करून आवश्यक कागदपत्रांसह संबंधित प्रशासनाकडे सादर करण्याबाबत बैठकीत चर्चा झाली. त्यामुळे संबंधित गावांतील पात्र दावेदारांची माहिती व्यवस्थित संकलित करून पुढील प्रशासकीय प्रक्रियेला गती देण्यावर भर देण्यात आला.
प्रतिनिधी : गिरीष डी. नरोटे
About the Author
