🏥 आझाद गणेश मंडळ, अहेरीच्या वतीने आरोग्य शिबिर उत्साहात संपन्न 🏥

🏥 आझाद गणेश मंडळ, अहेरीच्या वतीने आरोग्य शिबिर उत्साहात संपन्न 🏥

प्रतिनिधि   लय्या कबलवार

अहेरी, दि. २३ सप्टेंबर २०२६ : गणेशोत्सवाच्या निमित्ताने धार्मिक कार्यक्रमांसोबतच सामाजिक बांधिलकी जपत आझाद गणेश मंडळ, अहेरी यांच्या वतीने अहेरी शहरातील आझाद गणेश मंडळ येथे आरोग्य शिबिराचे आयोजन करण्यात आले.
हे आरोग्य शिबिर मा.तालुका आरोग्य अधिकारी डॉ. किरण वानखेडे सर तसेच मा. वैद्यकीय अधिकारी डॉ. अलका उईके मॅडम यांच्या मार्गदर्शनाखाली, प्राथमिक आरोग्य केंद्र, महागाव यांच्या सहकार्याने घेण्यात आले.
यावेळी मा.वैद्यकीय अधिकारी डॉ. भाग्यश्री ढोरे मॅडम, आरोग्य सेवक राशीद शेख, फार्मासिस्ट प्रणय मुळे, प्रयोगशाळा तंत्रज्ञ वैष्णवी चिळंगे तसेच आरोग्य विभागातील कर्मचाऱ्यांच्या उपस्थितीत परिसरातील नागरिकांची आरोग्य तपासणी करण्यात आली.
शिबिरामध्ये ‘तिशीचा पल्ला – तपासणी आणि सल्ला’ या उपक्रमांतर्गत नागरिकांची बी.पी. व शुगर तपासणी, आर.डी.के.बी.एस. तपासणी, एच.बी. तपासणी करण्यात आली. तसेच आयुष्मान भारत गोल्डन कार्ड व आभा कार्ड काढून देण्याची सुविधा उपलब्ध करून देण्यात आली.
यासोबतच नागरिकांना सर्पदंशापासून बचाव व घ्यावयाची काळजी, तसेच कीटकजन्य व जलजन्य आजारांबाबत माहिती व जनजागृती करण्यात आली. महिला, पुरुष तसेच बालकांनी या आरोग्य शिबिराचा लाभ घेतला.
गणेशोत्सव हा केवळ धार्मिक उत्सव न राहता ‘सेवा हीच खरी गणेशभक्ती’ या भावनेतून समाजोपयोगी उपक्रम राबविण्याचा संकल्प आझाद गणेश मंडळाच्या वतीने करण्यात आला आहे. त्याचाच एक भाग म्हणून आयोजित करण्यात आलेल्या या आरोग्य शिबिरास नागरिकांचा उत्स्फूर्त प्रतिसाद मिळाला.
आरोग्य शिबिरासाठी मार्गदर्शन व सहकार्य करणारे तालुका आरोग्य अधिकारी, वैद्यकीय अधिकारी, डॉक्टर, आरोग्य कर्मचारी, स्वयंसेवक तसेच उपस्थित नागरिकांचे आझाद गणेश मंडळाच्या वतीने मनःपूर्वक आभार व्यक्त करण्यात आले.
🚩 गणपती बाप्पा मोरया! 🚩
🙏 सेवा हीच खरी गणेशभक्ती! 🙏
विनीत
🚩 आझाद गणेश मंडळ, अहेरी 🚩

About the Author

मुख्य संपादक: श्री. सुरेश तिपट्टीवार

Administrator

View All Posts